Қызылордада белгісіз біреу үш адамды атып өлтірді

Желіде белгісіз біреудің адамдарды атып жатқаны түсірілген видео пайда болды. Қызылорда облысының полиция департаменті оқиғаның  қалай болғанын түсіндірді.

Оқиғаның  кеше болғаны белгілі. Кейбір мәліметтер бойынша, атыс салдарынан үш адам қаза тауып, тағы екеуі жараланып, ауруханада жатыр. Бірақ егжей-тегжейлер айтылмайды.

 «Бұл дерек ҚР Қылмыстық кодексінің 99-бабының 2-бөлігі бойынша Сотқа дейінгі тергеп-тексерудің бірыңғай тізіліміне тіркеліп, тиісті сараптамалар тағайындалып, тергеу амалдары жүргізілуде. Тергеу мүддесіне қатысты өзге мәліметтер ҚР Қылмыстық-процестік кодексінің 201-бабының талаптарына сәйкес жарияланбайды»  деп нақтылады Қызылорда облысы бойынша полиция департаменті.