Қызылордада анасы жанып жатқан үйден сәбиін шығарып үлгермеді

18 ақпанға қараған түні Қызылордадағы Қызылжарма шағынауданында үй өртенді. Өртте нәресте көз жұмды. Өрттің себептері анықталып жатыр.

Өрт орын алғанда үйде бес адам болған. Анасы төрт баласымен көшеге шығып үлгерді. Сәбиді құтқару мүмкін болмады.

«Уақытша лашықтағы өрт туралы хабарлама өрт сөндіру бөліміне сағат 00: 50-де түсті. Біздің қызметкерлер оқиға орнына келген кезде ғимарат өртке оранған. 2020 жылы туылған баланың өртенген денесі табылды. Үйде төрт қыз және олардың анасы болған. Отағасы іссапарда болған. Анасы олардың төртеуін аман алып қалды», - дейді Әлия Ережепова, Қызылорда облысы Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы.

Ережепованың айтуынша, 2018 жылы туған қызы мен анасын күйік шалған. Қалған балаларда күйік жоқ. Өрттің себептері анықталып жатыр.

Оқиға орнына келген өрт сөндіру қызметі қызметкерлерінің бейнежазбасы әлеуметтік желілерде таратылуда. Өрт сөндірушілердің бірі өзінің әріптестерімен мекен-жайға сағат 00:59 келген, өрт 01:23-те сөндірілген. Өрттің ауданы 11 шаршы метрді құраған.