Қызылорда: Жетінші күн қатарынан 17 жастағы қыз іздестіріліп жатыр

Қызылордада 2022 жылғы 21 наурыз күні, сағат 20:00-де 17 жастағы қыз белгісіз бағытта үйінен шығып кеткен.

Полиция қызметкерлері қазір оны іздестіріп жатыр. Айдана Тұралының сипаттамасы мен фотосуреттері барлық әлеуметтік желілерде жарияланған.

- Айдананы іздеуге Қызылорда қалалық полиция басқармасының, облыстық полиция департаментінің жеке құрамы тартылып, еріктілер де қосылды, - деп атап өтті Қызылорда полиция басқармасының баспасөз қызметі.

Полиция қызметкерлерінің айтуынша, іздеу шаралары жалғасып жатыр.

- Іздестіру шаралары жалғасуда. Қыздың, оның таныстарының, достарының байланыстары пысықталуда. Біз қызды тапқанда бірден көпшілікке хабарлаймыз, - деп толықтырды полиция.