Қызылорда облысының жаңа әкімі кеңесшілерден бас тартты
2022 жылдың 7 сәуірінде тағайындалған Қызылорда облысының әкімі Нұрлыбек Нәлібаев өз жұмысын әкімдік құрылымындағы бірқатар өзгерістерден бастады.
Атап айтқанда, ол кеңесшілер штатын қысқартып, бірнеше облыстық басқармаларды біріктірді. Облыс әкімдігінің кеңейтілген отырысында аймақ басшысы тиісті басқармаларды біріктіргенін айтты. 24 басқарманың 8-і қысқартылып, 16 басқарма облыс әкімдігінің құрылымында қалды.
— Өздеріңіз білесіздер, облыста 24 облыстық басқарма бар. Енді оның 8-і қысқартылып, 16 басқарма облыс әкімдігінің құрылымында қалады. Қабылданған шешім функциялардың қайталануын жояды, саланың теңгерімді реттелуін қамтамасыз етеді. Бұл жұмыстың жалпы көлемін және басқару тобын оңтайландыру арқылы әкімшілік шығындарды қысқарту. Сол сияқты қалалар мен аудандар әкімдіктерінің құрылымын өзгерту қажет, - деді облыстың жаңа әкімі.
Сондай-ақ, Нұрлыбек Нәлібаев бұдан былай облыс әкімі аппаратында штаттық және штаттан тыс кеңесшілер лауазымдары болмайтынын айтты.
— Алдағы уақытта облыс әкімінің штаттық және штаттан тыс кеңесшілері болмайды. Кеңесші атағын оңды-солды таратпау керек. Біздің басты кеңесшіміз - халық!, - деді Нұрлыбек Нәлібаев.
Сонымен қатар, облыс әкімі облыстың әлеуметтік-экономикалық дамуына талдау жасай отырып, биылғы жылдың бірінші тоқсанында өнеркәсіп өнімінің көлемі 4,2 пайызға төмендеп, соның нәтижесінде үш аудан ауданның бірі республикадағы соңғы орындарда тұрғанын атап өтті. Бірқатар макроэкономикалық көрсеткіштер бойынша төмен деректер Қазалы, Шиелі және Арал аудандарында байқалды.
— Осы үш ауданның әкіміне сөгіс жарияланды, - деп қосты облыс әкімі.
Жаңалықтар
- Қазақстанда утиль алымға қарсы петиция екі аптада 12 мың қол жинады
- Алматыдағы Гагарин даңғылының бір бөлігін қазақстандық әншінің құрметіне берілуі мүмкін
- Гүлзада Сержанға 50 АЕК көлемінде айыппұл салынды
- ҰҚК академиясының түлегі «Қазақстан инжиниринг» ұлттық компаниясын басқарды
- Әйелі зорлық-зомбылық көргенін мәлімдеген қазақстандық дипломаттың ісі туралы айтылды
- Қазақстандық азамат шетелдік компаниядан 180 миллион доллар бопсалаған
- Қазақстан бұрынғы уақыт белдеуіне оралуы мүмкін
- Әбіләзовтың сыбайласы Бельгиядан Қазақстанға оралды
- Құлсары қаласының тұрғындары Жылыой ауданы әкімдігінің ғимараты алдында митинг өткізді
- Маңғыстау облыстық полициясы, ҰҚК, прокуратура басшылары отставкаға жіберілді
- Мағзұм Мырзағалиев «ҚазМұнайГаз» басшысы қызметінен босатылды
- Дональд Трамптың ұшағы апатқа ұшырады
- Айуандықпен кісі өлтірді деген күдікті Түркиядан экстрадицияланды
- Грузия парламенті «шетелдік агенттер туралы» заңды қабылдады
- СҚО-да аудан әкімінің орынбасары ұсталды
- Индерде кіреберіс жолды су басқанына байланысты тұрғындарды қайықпен тасымалдап жатыр
- Ұлттық Банктің инвестицияларды зерттеуге арналған гранты Назарбаев Университетіне берілді
- Қазақстанда ұсталған қарақалпақ белсенділері өз елінде сотталды
- Денсаулық сақтау вице-министрі қызметінен босатылды
- Ақтауда оқушы қызқа тиіскен күзетші ұсталды