Қызылорда облысында жол апатынан сегіз адам қаза тапты

Жол-көлік оқиғасы Шымкент – Самара тас жолында болды.

Қызылорда облысындағы Шымкент-Самара тас жолында болған жол апатынан сегіз адам қаза тапты, деп хабарлайды Polisia.kz.

«15 қаңтарда Қызылорда облысы Арал ауданы Аралқұм елді мекені ауданында Шымкент-Самара тас жолының 1397-ші шақырымында жол-көлік оқиғасы орын алып, салдарынан сегіз адам қаза тапты. Тиісті сот-медициналық сараптамалар тағайындалды, оқиғаның мән-жайы анықталуда», - делінген хабарламада.

Жол-көлік оқиғасы дерегі бойынша Қазақстан Республикасы Қылмыстық кодексінің 345-бабының 4-бөлігі (Автокөлік құралын басқарған адамның екі немесе одан да көп адамның өліміне әкеп соққан жол қозғалысы ережелерін бұзуы) бойынша сотқа дейінгі тергеу амалдары жүргізілуде.

Өңірдегі қолайсыз ауа райына байланысты Қызылорда облысының комендатурасы көлік жүргізушілерінен жол ережесін қатаң сақтауды сұрайды.