Қызылорда әкімінің айлық жалақысы қанша

Қызылорда облысының әкімі Гүлшара Әбдіқалықова брифинг кезінде бір айлық жалақысын айтты.

Аймақ басшысының айтуынша, оның жалақысы заңға сәйкес 986 мың теңге болса, соңғы уақытта бұл сома көтерілген.

«Биыл факторлық-балдық жүйе бойынша 1,9-ға көтеру туралы шешім қабылданды. Бірақ мен бірден демалысқа шықтым, өйткені екі жыл демалмадым. Қазір жалақым: 986 мың көбейтілген 1,9. Шамамен 1,8 млн деп ойлаймын» деп әкім журналистердің сұрағына жауап берді.

Сондай-ақ, Қызылорда облысының әкімі соңғы жылдары экономикаға 4 трлн теңгеден астам инвестиция құйылғаны және 8 млн шаршы метрге жуық тұрғын үй пайдалануға берілгенін айтты.