Қызылорда: аудандық аурухананың есепшілері 14 млн теңгеден астам қаржы жымқырған

Қызылорда облысындағы аудандық аурухананың есепшілері 14 млн теңгеден астам қаржыны жымқырған.  

Жаңақорған аудандық ауруханасының бұрынғы қызметкерлерінің бюджет ақшасын жымқыру фактісі бойынша істі Қызылорда облыстық Қаржылық мониторинг агенттігі тергеді.  

2015 жылдан бастап 2019 жылға дейін бас есепші жалған іссапар құжаттарын ресімдеп, карточкаларына іссапарға кететін қаржыны аударып отырғаны белгілі болды. Шығын сомасы 14 млн теңгеден асады.

Аудандық аурухананың бұрынғы қызметкерлері М.Сатыбалдиева мен З. Шомантаева материалдық-қаржылық құжаттарға қол қою құқығына байланысты 7 жылға бас бостандығынан айырылды. Үшінші тұлға М. Бөрібаев 2 жылға бас бостандығынан айырылды.