Қызметтік көлікті алты ай бойы туысына беріп қойған әкім жазадан құтылды
Ақтөбеде екі ғана қабылдау кабинеті бар аудан әкімдігінде 4 хатшы болған. Қызметтік көлікті әкімнің туыстары жеке мақсатқа пайдаланған.
Ақтөбеде өткен Әдеп жөніндегі кеңесте Ырғыз ауданы әкімдігінде жасалған былықтар қаралды. Ауданның бұрынғы әкімі болған Әділгерей Әуелбаев қарамағында жұмыс істейтін туысының алты ай бойы жұмысқа келмей, қызметтік көлікті жеке мақсатта пайдаланғанына көз жұмып келген.
Сыбайлас жемқорлыққа қарсы күрес департаменті бұл заңсыздықтарды мемлекеттік қызметке кір келтіретін теріс әрекет деп бағалады. Шенеуніктердің тәртібі қаралатын Әдеп кеңесіне Ырғыз ауданы әкімінің орынбасары Аслан Байдәулетов пен аппарат басшысы Бақтыбай Мырзағарин шақырылды.
Ал экс-әкім Әділгерей Әуелбаев басқа қызметке ауысуына қатысты жауапқа тартылмады.
Белгілі болғандай, ауданға жасалған ішкі аудиторық есеп кезінде әкімдіктің жанар-жағармайды оңды-солды пайдаланғаны анықталды. Аппарат басшысының хатшысы Қабылбаевқа жұмыста болмаған кездеріне негізсіз жалақы аударылған. Кейін 1млн 36 мың теңге болатын қаражат өтелгені айтылды.
Әкімдікте болған заңсыздықтарға аудан әкімінің орынбасары «қатысым жоқ» деп ақталды. Құжатқа қойылған қолдардың өзінікі емес екені сотпен дәлелденген.
Ал аппарат басшысы әкімнің айтқанынан шыға алмадым деп көмек сұрады.
«Оқиға былтыр наурыз-қыркүйек айларында болған. Бұл жерде бұрынғы аудан әкімінің туыстарының бәрі көлікті алып, айдап жүрген. Орынбасарына жөндеу жүргіземіз деп алып кетіп, содан ауылға әкелмеген. 6 ай әкелінбеді ауданға. Сыбайлас жемқорлық тексергеннен кейін ғана ол көліктің қалада жүргені анықталды. Шыны керек, аудан әкімі мен орынбасарының көлігін қадағалай алған жоқпын. Ол мүмкін емес, олар маған есеп бермейді» дейді Ырғыз ауданы әкімінің аппарат басшысы Бақтыбай Мырзағарин.
Әдеп кеңесінің мүшелері бір ауыздан аппарат басшысын қызметіне сай емес деген шешім қабылдады. Сонымен қатар, осындай былықтарға жол берген экс-әкімнің де жауапкершілігін қарастыру керек деген ұсыныс айтты.
Авторы: Ардақ Ерубаева, Ақтөбе
Жаңалықтар
- Қазақстан артық мұнай өндіруді уәде беріп отыр
- Алматы су тасқынымен күресуге дайындалу үстінде
- Бишімбаев өз кінәсін мойындады
- Астанада салынып жатқан тұрғын үй кешені қайта бұзылып жатыр
- Батыс Қазақстанда су тасқыны кезінде 2343 бас мал өлген
- Қостанайда Ресей мен Қазақстан арасындағы соғыс туралы жалған ақпарат таратқан ер адам сотталды
- Жымқырылған 1 млрд теңге су тасқынына бөлінген ақша емес екені айтылды
- Сотталған фотограф жұмыс істеген жерде: «Үкім бізді таң қалдырды» деп мәлімдеме жасады.
- Тұрғын үй кешендерінің жабық тұрақтарында электр көліктерін қуаттауға рұқсат етіледі
- «Сіздер де мені түсініңіздер» - Бишімбаев Салтанатты қорлағаны үшін ақталу үстінде
- Путиннен Қазақстандағы көтерілісті ұйымдастырушыға Ресей азаматтығын беруді сұрады
- TikTok платформасының өкілі министр Аида Балаеваның сөзіне түсініктеме берді
- Ғалымдар Атырауда су тасқынының шыңы мамырдың басында болады деп болжап отыр
- Грекияда аспан қызғылт сарыға боялды
- Бейтаныс адамды өлтірген Орал тұрғындарына үкім шықты
- Ақтауда мүмкіндігі шектеулі жандар қайыр сұрауға мәжбүр болды
- Көкшетаудың екі тұрғыны Eolus қаржылық пирамидасын құрғаны үшін сотталды
- ҚМА бөгет салуға және жөндеуге бөлінген ақшаны кім ұрлағанын айтты
- Алматыда атышулы зорлау ісі бойынша сот процесі аяқталды
- Тоқаев Абай облысы тұрғындарының бастамасын қолдады