Қытайда мектеп оқушылары домбырамен қазақ күйін орындады

Қытайда мектеп оқушылары «Ерке сылқым» күйін орындады.

Балалардың орындауындағы бейнероликті ZTB интернет басылымы жариялады.

2019 жылғы мәліметтер бойынша Қытайдағы этникалық қазақтар әлемдегі ең көп қазақ диаспорасы болып табылады. Осы жылы Қытайда 1 млн 460 мыңға жуық этникалық қазақ өмір сүрді.

Бұл ұжымдастыру мен ашаршылық кезінде КСРО-дан кетуге мәжбүр болғандардың, сондай-ақ Қазақстаннан бөлініп, Қытайға қосылған жерлерді мекендегендердің ұрпақтары.

Анықтама үшін: бұл Алтай, Тарбағатай, Іле, Құлжа, Еренқабырға, Баркөл-Құмыл аймақтары.