Қытайлық инвесторлар Шымкентте зауыт-фабрикалар салуға 155 млрд теңге бөлді

Қытайлық инвесторлар Шымкентте жаңа зауыттар мен фабрикалар салуға 155 миллиард теңге бөледі.

Ақпарат Politic.kz сайтына жарияланған, деп хабарлайды Orda.kz.

155 миллиард теңгеге 46 жоба салу қамтылған. Оған химия, жеңіл өнеркәсіп, фармацевтика, білім беру, құрылыс индустриясы, агроөнеркәсіп кешені және басқа да салалар кіреді, деп хабарлады қала әкімдігі.

Биыл мегаполисте 18,2 миллиардқа металлургия зауыты салынады. Жобаны Қытайдан келген инвестор қаржыландырады. Өндіріс қуаттылығы жылына 500 мың тонна дайын өнімді құрайды. Кәсіпорын құрылысы 2017 жылы қолға алынған.

Тағы бір қытайлық компания ферросиликомарганец өндірісін ұйымдастыруға көмектеседі. Құны-2,9 миллиард. Кәсіпорында жылына 50 мың тонна өнім шығарылады.

Сонымен қатар, Шымкентте 1,7 млрд теңгеге газтекшелері өндірісін жолға қою көзделген. Бұл жоба да 2017 жылы басталған.