Қытайда толассыз жауын салдарынан бірнеше қаланы су басты

Қытайдың солтүстік-шығысындағы Ляонин провинциясында нөсер жауыннан аймақтағы бірнеше қаланы су басты.

Бұл туралы Orda.kz 24.kz-ке сілтеме жасап хабарлайды.

Нөсер жаңбыр салдарынан көшелерде аққан су көліктерді ағызып, ойпаң жерде орналасқан аудандарға зиянын тигізді. Табиғат апатынан жапа шеккендер мен қаза тапқандар туралы әзірге ақпарат жоқ.

Ал билік өкілдері аймақтағы бірқатар қоймада су деңгейі шамадан тыс көтеріліп, қауіп күшейгенін мәлімдеді. Қазіргі уақытта іздестіру-құтқару жұмыстары жүріп жатыр.