Қытайда эмбрионы сақталған динозавр жұмыртқасы табылды

Ұлыбритания, Қытай және Канада ғалымдары Қытайдың оңтүстігіндегі Ганчжоу ауданында табылған сирек кездесетін динозавр жұмыртқасы туралы мәліметтерді жариялады.

– Динозавр эмбриондары – ең сирек қазбалардың бірі және олардың көпшілігі бүтін болмайды. Біз «Инлян баласының» табылғанына өте қуаныштымыз, ол тамаша күйде сақталған және көптеген сұрақтарға жауап табуға көмектеседі, - дейді Бирмингем университетінің ғылыми қызметкері Фион Вайссум Ма.

Овирапторозавр жұмыртқасының жасы 66-72 миллион жыл. Зерттеулерге сәйкес, «Инлян баласының» ұзындығы шамамен 27 сантиметрді құрайды.

Welcome 'Baby Yingliang'! An oviraptorosaur embryo lying inside an egg. This little dinosaur has a bird-like prehatching posture! In the team with @LidaXing1982, @SteveBrusatte and colleagues. Open access in @iScience_CP, https://t.co/6fM0UAuLui pic.twitter.com/GbS9UiO1iN

— Fion Ma (@FionMaWS) December 21, 2021

– Динозавр эмбрионы мен тауық эмбрионы жұмыртқаның ішінде бірдей орналасқанын көру қызық, бұлар жұмыртқадан шыққанға дейін ұқсас мінез-құлықты көрсетуі мүмкін, - дейді зерттеуші.

Эдинбург университетінің зерттеу тобының мүшесі, профессор Стив Брусатте динозвардың жұмыртқасын зерттей отырып, балапанға ұқсайды деген пікір айтты.

– Бұл кішкентай динозавр жұмыртқаға ішіндегі балапанға ұқсайды, демек бұл қазіргі құстарға тән белгілердің көпшілігі динозаврларда болғанының тағы бір дәлелі, - деді ол.