Трамп коронавирус туралы маңызды мәлімдеме жасады

АҚШ-тың бұрынғы президенті Дональд Трамп ҚХР билігі коронавирустың жаңа түрінің Уханьдағы зертханадан таралуының дәлелдерін жойды деп мәлімдеді.  

Бұл туралы Orda.kz хабарлайды.

Дональд Трамптың айтуынша, ол коронавирустың қытай зертханасынан таралғанына сенімді болған.

— Бұл нұсқа маған өте айқын көрінді. Мен мұны бұрыннан айтып келемін. Бұл кездейсоқ болған оқиға секілді. Бірақ бұл жағдайды кездейсоқтық емес деп санайтындар да бар, - деді экс-президент.

Әңгімелесу барысында Трамптан коронавирустың шығу мән-жайларын анықтау мақсатында жүргізілген іс-шаралар нәтижелі бола ма деп сұрады. Трамп «қазір тым кеш, дәлелдер жойылды деп санаймын» деді.

— Қазір вирустың Қытай зертханасынан таралу нұсқасы АҚШ-та танымал болып келеді. Коронавирус әлсіреп жатқандай көрінеді, ал бұл әлемдегі басты тақырыптардың бірі. Шындығында, бүкіл әлем өте үлкен шығынға ұшырады. Мұны түсіну керек. Ең дұрысы, біз Қытайды шығындарды төлеуге мәжбүр етуміз керек, - деді Трамп