Қытай өз вакциналарының тиімсіздігін мойындады

cover

Қытай медициналық бөлімінің бастығы Гао Фу COVID-19 вакциналарын біріктіруді, сондай-ақ екпе мөлшерімен  тәжірибе жасауды ұсынды.

Ол ұлттық вакциналардың тиімділігіне алаңдаушылық білдірген алғашқы шенеунік болды, деп хабарлайды Orda.kz  DW-ге сілтеме жасап.

Қытайдағы  ауруларды бақылау Орталығы олардың тиімділігін арттыру үшін коронавирустық вакциналардың тіркесімін (комбинация) қолдануды қарастыруда. Бұл туралы Financial Times ведомство басшысы Гао Фуға сілтеме жасап хабарлады.

10 сәуірде өткен форумда Гао орталық «қолданыстағы вакциналардың тиімділігінің төмендігі» мәселесін шешу мүмкіндіктерін зерттеп жатқанын айтты. Сондай-ақ, Гао әртүрлі вакциналарды біріктіруден басқа, дозалау тәсілін өзгертуді мысалы, олардың мөлшерімен, көлемімен немесе екпелер арасындағы үзіліспен тәжірибе жасауды ұсынды.

 — Барлығы мРНҚ вакциналарының (РНҚ -рибонуклеинді қышқыл)  технологиясын қолдану арқылы – ред.) адамзатқа беретін артықшылықтарын ескеруі керек. Бізде вакциналардың бірнеше түрі болғандықтан ғана оны назардан тыс қалдырмау керек, - деп қосты Гао Фу.

Қытай шенеунігі нақтылағандай, 2 сәуірдегі жағдай бойынша елде 34 миллион адам екі доза алса,  65 миллион адам ​​кем дегенде бір дозадан алған. Қытай халқының саны 1,3 миллиардтан асады.

Әзірге Қытайда Sinopharm, Sinovac және CanSino өндірген дәстүрлі «белсенді емес вирус» вакциналары ғана мақұлданды. Қытайлық өндірушілер вакцина сынақтарының үшінші кезеңі туралы мәліметтерді жарияламады, бұл ашықтықтың жоқтығы туралы айыптаулар тудырды.

Бразилиядағы клиникалық сынақтар кезінде анықталғандай, қытай фармацевтикалық компаниясы шығарған Sinovac Biotech Ltd. тиімділігі — 50,4 пайыз деңгейінде. Сонымен бірге, компанияның айтуынша, препарат COVID-19 ауыр ағымының 80 пайызына жол бермейді. Қытайлық Sinopharm корпорациясының тағы екі вакцинасы тиімділігі жағынан 79,3 және 72,5 пайызды көрсетеді. Ал қытайлық биофармацевтикалық алпауыт CanSino үшін вакцинаның тиісті көрсеткіші — 65 пайыз.

ҚХР-да коронавирусқа қарсы вакциналау үшін шетелдік дәрі-дәрмектерді қолдану әлі бекітілмеген.

Жаңалықтар

барлық жаңалықтар