Қытай Украинаға қару-жарақ жеткізіп отырған елдерді сынға алды

Қытай Украина аумағында қару-жарақ жеткізіп, қақтығысты өршітіп отырған елдерді сынға алады. Қытайдың Сыртқы істер министрі әлем бейбіт келіссөзге жағдай жасау керектігін жеткізді.

— Барлық тараптар бейбіт келіссөздер үшін жағдай жасап, екі ел арасына «от салудың» орнына бейбіт келісімді «жеделдетуші» рөлін атқаруы керек. Бір жағынан атысты тоқтатып, соғысты аяқтау керек деп айқайлап, екінші жағынан қару-жарақ пен техника жеткізуге болмайды, - деді Ван И.

Министр «Украина мәселесінің түпкі себебі еуропалық қауіпсіздік тепе-теңдігін жоғалтуында» деп санайды. Айта кетейік, премьер-министрдің орынбасары – сыртқы істер министрі Мұхтар Тілеуберді «Хабар 24» телеарнасына сұхбат беріп, Қазақстанның Ресей-Украина қақтығысына қатысты ұстанымын айтқан еді.