Қытай Талибанға көмек қолын созуға дайын

Ресми Пекин Ауғанстандағы өмір сүру жағдайларын жақсарту және оның тәуелсіз дамуына мүмкіндік жасау үшін халықаралық қауымдастықпен ынтымақтасуға дайын екенін мәлімдеді.

Бұл туралы Orda.kz хабарлайды.

- Қытай Ауғанстанды бейбіт жолмен қалпына келтіруге және адамдардың өмір сүру жағдайы мен әл-ауқатын жақсартуға, сондай-ақ тәуелсіз даму мүмкіндіктерін арттыруға қолдау көрсету үшін халықаралық қауымдастықпен бірге жұмыс істеуге дайын, - деді бейсенбіде өткен брифингте Қытай коммерция министрлігінің ресми өкілі Гао Фэн.

Ол сондай-ақ, 2020 жылдың қорытындысы бойынша Қытай мен Ауғанстанның тауар айналымы 550 миллион долларға, ал 2021 жылдың бірінші жартыжылдығында екі елдің тауар айналымы 44% - ға өсіп, 310 миллион юаньға жеткенін хабарлады.