Қытай СІМ Украинаның егемендігіне қатысты мәлімдеме жасады

Украина мен Ресей арасындағы ахуал сәт санап ушығып барады. Бүгін РФ президенті В. Путин мен Беларусь президенті А. Лукашенко Кремльде шұғыл келіссөздер өткізді. Ал АҚШ президенті Байден Ресей әскерінің Киевке шабуылдайтынына сенімді екенін айтты.

Әлемдік державалардың өзара ақпараттық тартысынан Қытай Халық Республикасы да тысқары қалуды жөн санамады. Бүгін ҚХР СІМ екі ел арасындағы мәселеге қатысты мәлімдеме жасады.

«Әр елдің егемендігі, тұтастығы және территориясы қорғалуы керек. Бұл мәселе Украинаға да қатысты», - деп жариялады ҚХР СІМ.

Айта кетейік, батыс елдері Кремль мен Киевті ахуалды ушықтырмай өзара мәмілеге келуге шақыруда.