Қытай делегациясы Зеленскийді тыңдамай, SLD саммиті отырысынан шығып кетті

Украина президенті Владимир Зеленский Шангри Ла Диалог Азия қауіпсіздік саммитінде сөйлеген кезде Қытай делегациясы залдан шығып кетті.

Бұл туралы Азия зерттеулер орталығының аға саяси сарапшысы Оливия Энос өзінің Twitter парақшасында хабарлады.

«Владимир Зеленский SLD-2022-де сөз сөйледі. Осы кезде Қытай делегациясы залдан шығып кетті» деп жазды ол.

Еadaily басылымының хабарлауынша, Зеленский өзінің интернеттегі сөйлеген сөзінде Украинадан астық жеткізудің тоқтатылуына байланысты Азия мен Африка халқы аштыққа ұшырауы мүмкін екенін, бұл үкіметтердің құлауына әкелетінін айтты.

Унианның айтуынша, біраз уақыттан кейін, яғни Зеленский сөйлеген кезде Қытай делегациясы әлі де залдан шықпағаны белгілі болған. Шараның тағы бір қатысушысы Украина президенті Владимир Зеленский сөйлеген кезде залдан ешкім шықпағанын жеткізді.

— Мен конференцияда болдым. Ешкім залдан шыққан жоқ, - деді ол.

Осыдан кейін Оливия Энос Қытай делегациясының демаршы туралы хабарламасы бар твиттерін өшірді.

Қара теңіз порттарындағы астықтың кешігуі туралы Ресей мен Украинаның өзара айыптаулары көптен бері айтылып жүр. Украина жағы Ресей әскерлері кемелердің кетуіне кедергі жасап отыр деп мәлімдейді. Ал Ресей өз кезегінде кез келген араласуды жоққа шығарады.

Амиржан Мухаммед