Қытай билігі елдегі бала туу санын арттыруды көздейді

Бір кездері халық санының көптілігінен, тауарынан гөрі адамын тасымалдау тиімдірек болған қытайлықтар енді бала туу санын арттыруды көздеп отыр. 1949 - 1976 жылдар аралығындағы халық саны 540 миллионнан 940 миллионға дейін өскеннен кейін Қытайдың жергілікті билігі бала туу санын шектеген болатын. Нәтижесінде 400 миллион түсік тасталынған.

2020 жылғы көрсеткіш бойынша 250 миллионнан астам халқының жасы 60-тан асқан. Сол себептен қытайлықтар алдағы жылдың қамын қамдануды бастап кеткен. «Бір жанұя – бір бала» заңының күші жойылғанына төрт жыл болса да, бала туу көрсеткіші өте төмен деңгейде.

  Ма Ли, екі баланың анасы:

 - Мәселе бала тууда емес, оларды тәрбиесіне кететін қажеттілікпен қамтамасыз ету. Әр ата-ана өз баласына ең жақсысын қалайды ғой. Бұл балалар арасында да, ересектер арасында да бәсекелестікке әкеледі. Сондықтан болар көбі бала туудан бас тартуы мүмкін.

 Ван Цзюй, бір баланың анасы:

 - Тағы бір бала туу үлкен жауапкершілік деп ойлаймын. Мен көп уақытымды балаға арнауым керек. Мені мазалайтыны осы. Өйткені бос уақытымды өзіме ғана жұмсағым келеді.

Сарапшылардың болжамынша, 15 жылдан кейін Қытайда 60 жастан асқандардың саны 400 миллионға дейін жетеді. Ал ғасырдың ортасында жұмысқа қабілетті халықтың қатары 200 миллионға қысқармақ. Жағдайды өзгерту үшін билік тұрғындарды саяси және қаржылай тұрғысында ынталандыру керек дейді мамандар.