Қытай Африкада әскери база салуды жоспарлап отыр

АҚШ барлау қызметі Қытайдың Экваторлық Гвинеядағы Атлант мұхитында әскери кеме базасын салуға ниетті екенін ескертті.

Daily Mail басылымының мәліметіне сәйкес, АҚШ барлау қызметкерлері Қытай төрағасы Си Цзиньпин Батыс Африка президенті Теодоро Обианг Нгуэму Мбасогоны Бата қаласындағы портты кеңейтуге және оны әскери базаға айналдыруға рұқсат беруге көндіруге үміттенеді деп санайды.

АҚШ барлау қызметінің болжамына сәйкес, Қытай Бата қаласында әскери-теңіз базасын салуы мүмкін. Жаңа база арқылы Қытай Пентагонды алаңдатып отырған Экваторлық Гвинеядағы қорын толықтыра алады.

– Егер Қытай Бата портын әскери базаға айналдырса, ол Бейжіңге АҚШ-тың шығыс жағалауындағы су айдындарында өзінің әскери кемелері мен басқа да әскери-теңіз техникаларын жөндеуге және қайта қаруландыруға мүмкіндік береді. Теңіз қауіпсіздігі мәселелерін шешуге арналған дипломатиямыздың бір бөлігі ретінде біз Экваторлық Гвинеяға Қытайдың осы елдегі қызметіне қатысты кейбір ықтимал қадамдар ұлттық қауіпсіздікке қатысты алаңдаушылық тудыратынын түсіндірдік, - деді Байден әкімшілігінің жоғары лауазымды қызметкері.

Басылымның мәліметінше, Қытайдың бір ғана шетелдік әскери базасы Джибутиде, Шығыс Африкада 2017 жылы ашылған. Ол Африка құрлығының арғы жағында орналасқан.

Африканың солтүстік-батыс жағалауында орналасқан Мавританиядағы америкалық дипломаттар жергілікті билікке Пекиннің Қытай салған портты әскери мақсатта пайдалану әрекетінен бас тартуға кеңес берді.