Қытай Ақжарқын Тұрлыбайды Қазақстанға экстрадициялаудан бас тартты

Қытайда өмір бойына бас бостандығынан айырылған Ақжарқын Тұрлыбай Қазақстанға экстрадицияланбайды.

«2020 жылдың 19 қазанында Бас прокуратураға Ақжарқын Тұрлыбайдан өзін Қазақстанға ауыстыру туралы хат келді. Сол күні Қытай тарапына тиісті сұраныс жіберілді. ҚХР Әділет министрлігінің 2021 жылғы 3 наурыздағы жауабына сәйкес Ақжарқын Тұрлыбайды Қазақстанға экстрадициялаудан бас тартылды, себебі ол шартты түрде мерзімінен бұрын босату құқығынсыз өмір бойына сотталды» деп хабарлады ҚР Бас прокуратурасының баспасөз қызметі.

Дегенменде Қазақстан Ақжарқынды елге ауыстыруға үмітті.

«Егер Қытай соты сотталушының жазасын қысқартып, оны өтеудің нақты санын тағайындаса, бұл мүмкін болады» деді бөлімде.