Қытай АҚШ-тың Тайваньға қару сатуын айыптады

Қытай Қорғаныс министрлігінің басшысы АҚШ-тың Тайваньға қару-жарақ сатуын айыптап, бұл жағдайды нақты ушықтыру деп атады.

Қытай Қорғаныс министрлігінің басшысы Америка Құрама Штаттарына Тайваньның тәуелсіздігін қамтамасыз етуге бағытталған кез келген әрекетке Қытай тарапы күшпен жауап беретінін ескертті, деп хабарлайды ВВС орыс қызметі.

Қытай Қорғаныс министрлері Вэй Фэнхей мен АҚШ-тың Ллойд Остин арасындағы алғашқы кездесу Сингапурдағы Азия қауіпсіздік саммиті аясында өтіп, бір сағаттан астам уақытқа созылды.

Ллойд Остин Америка Құрама Штаттарының «бір Қытай» қағидатын ұстанатынына сендірді, бірақ Пекиннің әрекетін арандатушылық және бүкіл аймақты тұрақсыздандыру деп атады. Ол Пекинді қақтығысты шешу үшін күш қолданудан бас тартуға шақырды.

Жауап ретінде Вэй Фэнхэ Америка Құрама Штаттарының Тайваньға қару сатуын айыптап, бұл жағдайды нақты тұрақсыздандыру деп атады.

— Егер кімде-кім Тайваньды Қытайдан бөлуге батылы барса, Қытай Халық азаттық армиясы Қытайдың егемендігі мен аумақтық тұтастығын қорғау үшін кез келген жағдайда «Тайвань тәуелсіздігін» орнату әрекетін тоқтатуға мәжбүр болады, - деді Қытай қорғаныс министрі.

Екі жақтың қатаң мәлімдемелеріне қарамастан, әскери ведомстволардың басшылары Сингапурдағы кездесуді пайдалы және сындарлы деп атады.

Осы жылдың мамыр айында АҚШ президенті Джо Байден Қытайдың Тайваньға қоқан-лоққы жасап, отпен ойнап жатқанын айтып, аралға шабуыл жасалса, АҚШ әскері араласатынына уәде берді.

Америка Құрама Штаттары аралдың тәуелсіздігін мойындамайды, бірақ 1979 жылғы Тайваньмен қарым-қатынас туралы заң бойынша олар Тайваньға өзін-өзі қорғауға қажетті әскери техниканы жеткізуге міндеттенеді.

Амиржан Мухаммед