Ыстық пен жаңбыр — 19 шілдеге арналған ауа райы болжамы

«Қазгидрометтің» болжамы бойынша, Қазақстан аумағының басым бөлігінде жаңбыр жауып, найзағай ойнайды, деп хабарлайды Orda.kz.

Кей жерлерде бұршақ жаууы және екпінді жел соғуы мүмкін. Солтүстік және орталық өңірлерде қатты жаңбыр күтіледі.
Елдің батысы мен оңтүстігінде құрғақ ауа райы сақталады. Республика бойынша желдің күшеюі болжанып отыр.

Астанада ауыспалы бұлт, жаңбыр, найзағай, бұршақ күтіледі, түнде +15–17 °C, күндіз +21–23 °C.
Алматыда ауыспалы бұлтты, жауын-шашынсыз, түнде +23–25 °C, күндіз +36–38 °C.
Шымкентте ауыспалы бұлт, жауын-шашынсыз, түнде +21–23 °C, күндіз +39–41 °C.