Ыстамбұл тұруға рұқсат беруді тоқтатты

Қаладағы шетелдіктер саны халықтың 20 пайызынан асып кеткендіктен, бөтендердің тұруына шектеу қойылды.

Қазір Түркияның ең ірі қалаларының бірінде бір миллион 294 мыңнан астам шетелдік тұрады. Келушілер саны халықтың 20 пайызынан асқаннан кейін тұруға рұқсат беруді тоқтату туралы шешім қабылданды. Алғашында тыйым қаланың 10 ауданына қатысты болса, енді ол барлық 39 ауданға таратылды, деп жазады Milliyet газеті.

Емделуге, оқуға немесе халықаралық саудаға келгендерге ерекше жағдай жасалды.

Бейресми деректер бойынша қазір елде жеті миллионнан астам шетелдік тұрады. Пәтер жалдаушыларға, сондай-ақ қонақ үй иелеріне заңсыз иммигранттарды жасырғаны үшін түрмеге дейін қатаң шаралар қолданылатыны ескертілді. Полицейлер елде заңсыз тұрып жатқан шетелдіктерді анықтау мақсатында тұрақты рейдтер жүргізеді.