«Үсік жүреді»: алдағы күндерге арналған ауа райы болжамы

Синоптиктер 17-19 қыркүйекке арналған ауа райы болжамын ұсынды, деп хабарлайды Orda.kz. 

"Қазгидромет" РМК баспасөз қызметінің мәліметінше, алдағы күндері кең ауқымды антициклон Қазақстан территориясының көп бөлігін қамтиды. Сол себепті жауын-шашынсыз ауа райы сақталады. Ал  еліміздің оңтүстік жартысына циклон және онымен байланысты атмосфералық фронтальды бөлімдер әсер етеді. Сондықтан жаңбыр жауып, найзағай ойнайды.

Мамандардың айтуынша,  17-19 қыркүйекте 2-5 градусқа дейін үсік жүреді.

Республика бойынша жел күшейеді. Түнгі және таңертеңгі сағаттарда елдің солтүстігінде, солтүстік-батысында және шығысында тұман болады.

Күндіз ауа температурасы:

  республиканың батысында +20°С...+28°С,
  солтүстік-батыста +12°С..+23°С,
  шығыста +5°С...+20°С,
  оңтүстікте +20°С...+30°С,
  елдің солтүстігінде және орталығында +10°С...+20°С,
  оңтүстік-батыста +17°С...+ 28°С болады.