Үш жылда 66 шабуыл: Астанада жедел жәрдем көліктеріне бейнетіркегіш орнатылады

 Дәрігерлер мен пациенттерді қорғайтын жаңа жоба елордадан бастау алады. Барлық жедел жәрдем машиналары бейнебақылау жүйесімен жабдықталады. Бұған дәрігерлерге қызмет ету кезінде жасалған көптеген шабуылдар себеп болды, деп хабарлайды Orda.kz.

 Әкімдіктің мәліметінше, соңғы үш жылда жедел жәрдем бригадаларына қарсы жасалған агрессиялық 66 жағдай тіркелді. Бұл алаңдаушылық үрдісін тоқтату үшін билік санитарлық көлікті бейнетіркегіштермен жабдықтау туралы шешім қабылдады. Алғашқы машина төрт камера, GSM-модуль және монитор алды.

«Бейнеағын жедел жәрдем диспетчерлік қызметіне де, полиция департаментінің Жедел басқару орталығына да келіп отырады, бұл төтенше жағдайларға жедел ден қоюға және автокөлік ішінде және айналасында болып жатқан оқиғаларға бақылауды қамтамасыз етуге мүмкіндік береді», - деп түсіндіреді Астана қаласының қоғамдық денсаулық сақтау басқармасы. 

Бастама Астана қаласының цифрландыру және мемлекеттік қызметтер басқармасының қолдауымен іске асырылуда. Жыл соңына дейін 100 жедел жәрдем көлігіне камера орнату жоспарланған.

«Бұл жоба дәрігерлер мен пациенттердің қауіпсіздігін арттыруға маңызды үлес қосты. Бұл технология жедел медициналық жәрдем көліктерінің қатысуымен болатын ЖКО деңгейінің төмендеуіне оң әсерін тигізеді», - деп атап өтті елордалық жедел жәрдем станциясы директорының орынбасары Арман Баянбаев

Бұған дейін Қасым-Жомарт Тоқаев дәрігерлерге жиі шабуыл жасалғаннан кейін медицина қызметкерлерін қорғауды күшейтуді тапсырған болатын. 

Тамыз айында жүкті әйелдің күйеуі Түркістанда медбикені ұрып, ауруханаға жатқызылды. Ал шілде айында Жамбыл облысында фельдшер оқ жарақаты алды. Қарағандыда жедел жәрдем жүргізушісін соққыға жыққан ер адамның сотқа тартылды.

Былтыр  Қазақстан үкіметі медицина қызметкерлеріне шабуыл  жасағандарға жазаны қатаңдату туралы бастаманы қолдамады. Денсаулық сақтау министрлігі мен депутаттар дәрігерлерге жасалған шабуылды полиция қызметкеріне жасалған шабуылға теңестіруді ұсынған болатын.

Сәуір айында Қостанай қаласының соты  жедел жәрдем фельдшерін ұрған екі әйелге үкім шығарып, сот шешімі бойынша айыпталушылардың әрқайсысына бір жылға бас бостандығын шектеу жазасы кесілді.