Үш жасар қазақстандық шетелде табылып, отанына қайтарылды

Интерполдың көмегімен Түркиядан Қазақстанға 3 жасар бала қайтарылды, - деп хабарлайды  ҚР ІІМ баспасөз қызметіне сілтеме жасап Orda.kz.        

Сәбиді анасының хабарламай бұрынғы күйеуі Өзбекстан арқылы Түркияға алып кеткен. Баланың анасы полицияға хабарласқан.

«Қазақстан Республикасы Ішкі істер министрлігі Интерпол ұлттық орталық бюросының Түркиядағы әріптестерімен және Қазақстанның Анталиядағы консулдығымен өзара іс-қимылы барысында 3 жасар бала табылып, отанына қайтарылды» делінгген Ішкі істер департаменті мәлімдемесінде.

Қазіргі уақытта бала мен анасы Қазақстанда.

Ұлттық қауіпсіздік комитеті бұдан бұрын қазақстандық содырдың 7 жасар қызын Сириядан қайтарған болатын.