Қысқы Олимпиада ойындары телеарналарда көрсетіледі: қашан және қайда көруге болады

Қазақстандықтар спортшылардың өнерін Qazaqstan, Qazsport, Хабар және El arna телеарналарынан тамашалай алады. Бұл туралы ҚР Ақпарат және әлеуметтік даму министрлігі хабарлады.

Айта кетсек, Олимпиада ойындары 2022 жылдың 4-20 ақпаны аралығында Қытайда өтеді.

Қазақстан құрамасында 87 лицензия жеңіп алған 34 спортшы бар. Жерлестеріміз биатлон, шаңғы жарысы, фристайл (могул, акробатика), шорт-трек, конькимен жүгіру, тау шаңғысы, шаңғымен секіру, скандинавиялық аралас спорттың 8 түрі бойынша бақ сынасады.

Сондай-ақ хабарларға сарапшылар (спортшылар, жаттықтырушылар) тартылады. «Qazaqstan» телеарнасындағы барлық спорттық хабарларға мемлекеттік тілде түсініктеме беріледі.

Әр нақты күннің спорттық жарыстары мен қорытындылары бойынша сараптамалық болжамдар күн сайын: таңғы және кешкі тікелей эфирде «Бейжін-2022» студиясының бағдарламасында беріледі.

Жанкүйерлер Олимпиаданы телехабардан бөлек телеарналардың ресми сайттары мен мобильді қосымшалардан да тамашалай алады.