Қысқы Олимпиадаға қандай шенеуніктер барады

Мәдениет және спорт вице-министрі Серік Жарасбаев Олимпиадаға Қазақстан делегациясымен қандай лауазымды тұлғалар баратынын айтты.

Делегацияның құрамында – 34 спортшы, 20 бапкер, 7 қызмет көрсетуші, 7 штаб қызметкері және 10 дәрігер бар. Сондай-ақ, Ұлттық Олимпиада комитетінің президенті Тимур Құлыбаевтың да баратыны айтылды. Делегация құрамында Дәурен Абаев та бар.

– Олимпиада комитеті басшысының қатысуы жоспарланған. Бұл міндетті. Оның Олимпиаданың ашылу рәсіміне қатысуы жоспарда бар. Олимпиада тек қана кездесулер мен жарыстардан ғана тұрмайды. Көптеген сессиялар мен кездесулер өтеді, - деді ҰОК Бас хатшысы Андрей Крюков.