Қырғызстанның экс-президенті Асқар Ақаевқа жаңа айып тағылды

Қырғызстанның экс-президенті Асқар Ақаевқа Құмтөр кеніші ісі бойынша жаңа айып тағылды.

Экс-президенттің серігі Бекболот Талғарбеков Асқар Ақаевтан барлық айыптар алынып тасталғанын, экс-президентке қатысты қылмыстық іс тоқтатылды деп мәлімдеді. Сондай-ақ ол тергеу Ақаев пен оның туыстарының да Құмтөр жобасынан ақша алмағанын анықтады деген болатын. Ал Ұлттық қауіпсіздік жөніндегі мемлекеттік комитет бұл ақпаратты жоққа шығарып отыр.

– Жүргізіліп жатқан тергеуге қатысы жоқ және іс бойынша сенімді ақпараты жоқ адамдар өзін-өзі жарнамалау мақсатында қоғамды әдейі адастыруда, - деді Ұлттық қауіпсіздік мемлекеттік комитетінің баспасөз қызметі

Ұлттық қауіпсіздік мемлекеттік комитеті тергеудің жалғасып жатқанын атап өтті. Ақаевқа 1992 жылы Cameco компаниясымен келісім жасау және 2003 жылы Құмтор жобасын қайта құрылымдау бойынша жаңа айыптар тағылды.

– Асқар Ақаев кінәсін толық мойындап, тергеумен белсенді түрде ынтымақтастық орнатады, оның елден кетуі, Бішкекке келуі алдын ала тергеушімен келісілген, - деп хабарлады Ұлттық қауіпсіздік мемлекеттік комитетінің баспасөз қызметі.

Қылмыстық істі тергеу жалғасуда, Құмтор жобасын жүзеге асыруға қатысты басқа да қылмыс фактілері анықталуда. Тергеу аяқталғаннан кейін іске қатысушы тұлғалардың әрекетіне тиісті құқықтық баға беріледі.

Ұлттық қауіпсіздік мемлекеттік комитеті жалған ақпарат таратудан және ерекше қызығушылық тудыратын өзекті мәселелер бойынша қоғамды адастырудан аулақ болуға шақырады.