Қырғызстанның бұрынғы премьер-министрі үйқамаққа ауыстырылды

Қырғызстанның бұрынғы премьер-министрі Мұхаммедқали Әбілғазиев сот шешімімен үйқамаққа жіберілген.

Бұл туралы Orda.kz хабарлайды.

– Әбілғазиевке қатысты сот оны үйқамаққа жіберу туралы шешім шығарды, - деді агенттіктің дерек көзі.

2018-2020 жылдар аралығында Министрлер кабинетін басқарған үкімет басшысы шамамен 50 миллион сом (шамамен 590 мың доллар) төлеу арқылы мемлекетке келтірілген залалды өтеген.

Мұхаммедқали Әбілғазиев 2021 жылдың қаңтар айында Centerra Gold шетелдік инвесторлары игеретін «Құмтөр» алтын кенішіндегі сыбайлас жемқорлыққа қатысты тергеу кезінде ұсталды.