Қырғызстанмен шекарада қару-жарақ қоймасы табылды - ҰҚК

ҰҚК Жамбыл облысы бойынша департаменті мемлекеттік шекарадан екі шақырым жерде атыс қаруы сақталған қойманы анықтады.

«Онда төрт тапанша, алты винтовкалы және тегіс ұңғылы қару тәркіленді» делінген ҚР Ұлттық қауіпсіздік комитетінің баспасөз қызметі хабарламасында.

Аталған факті бойынша тергеу амалдары жүргізілуде.

«14 қаңтарда «Қордай» (автомобиль) бақылау-өткізу пунктінде жолаушылар көлігімен келе жатқан Қырғызстан азаматы ұсталды. Жүк бөлігін тінту кезінде мыналар табылды: әріптік пломбалар – 50 дана, шетелдік паспорттар – 4 дана, банк карталары – 20 дана» дейді ҚР Ұлттық қауіпсіздік комитетінің баспасөз қызметі.

Ұсталған азамат Қордай ауданы бойынша полиция бөліміне жеткізілді.