Қырғызстанда қару-жарақ қоймасынан қазақстандық көлік нөмірі табылды

Қырғызстанда қару-жарақ қоймасынан қазақстандық нөмір табылды.

Sputnik Қырғызстан мәліметіне сәйкес, Шу облысында қару-жарақ пен оқ-дәрілердің тағы бір қоймасы анықталды. Қырғыз Республикасы Ұлттық қауіпсіздік мемлекеттік комитетінің баспасөз қызметінің хабарлауынша, атыс қаруы, Макаров тапаншасы, Калашников автоматынан 5,45 және 7,62 мм калибрлі бірнеше патрон, Қазақстандық көліктің мемлекеттік нөмірі (КНБ 13), табылды.

Қару-жарақ пен оқ-дәрі қылмыс жасауға дайындалған. Мұны ұйымдастырған адамдар анықталды.

Еске салайық, бұған дейін тәртіп сақшылары Алматыдағы «Шаңырақ» ықшамауданындағы жеке үйдің еденінің астынан қару-жарақ қоймасын анықтаған болатын. Мәліметтер бойынша, тәртіпсіздікке және қару-жарақ дүкенін тонауға қатысқан төрт адам ұрланған қару-жарақ пен оқ-дәрілерді қоймада сақтаған.