Қырғызстан өз аумағында АҚШ әуе базасын орналастырмайды

cover

Бұл туралы Қырғызстан президенті Садыр Жапаров есеп беру жиынында мәлімдеді.

Ол Қырғызстан аумағындағы ресейлік база өз елі үшін жеткілікті екенін айтты.

– Біздің елде Кантта ресейлік база бар. Біз екі базаны орналастырып, ықпалды елдермен мысық пен тышқан ойнағымыз келмейді, - деді Қырғызстан президенті Садыр Жапаров.

Ол сондай-ақ республикадағы американдық әскери нысан 2014 жылы жұмысын тоқтатқанын атап өтті. АҚШ базасы Бішкек әуежайында 2001 жылдан болды, 2014 жылы базаны ел аумағында орналастыру туралы келісімнің күші жойылды.

Канттағы ресейлік авиабаза 2003 жылы ресми түрде ашылған, ол құрылымдық жағынан Ресей Федерациясының Орталық әскери округінің құрамына кіреді. Онда Су-25 шабуылдаушы ұшақтар мен тікұшақтар орналасқан.

Еске салсақ, 16 маусымда Женевада өткен саммит кезінде Ресей президенті Владимир Путин АҚШ президенті Джо Байденге Ауғанстандағы жағдайды бақылау үшін Тәжікстан мен Қырғызстандағы ресейлік базаларды пайдалануды ұсынған болатын.

Жаңалықтар

барлық жаңалықтар