Қырғызстан президенті Жоғарғы Кеңес депутатын қалай қорлады?

Қырғызстан президенті Садыр Жапаровтың Facebook парақшасы бұзылды. Оның соңғы пікірлерге еш қатысы жоқ.

Бұл туралы мемлекет басшысының баспасөз хатшысы Галина Бәйтерек хабарлады.

— Facebook әлеуметтік желісіндегі Садыр Жапаровтың жеке парағын белгісіз біреулер бұзған. Шабуылшылар көрсетілген парақтан әр түрлі хабарламалардың астына пікір қалдырды. Мемлекет басшысының Facebook парақшасында жарияланған соңғы пікірлерге еш қатысы жоқ. Садыр Жапаров қоғамда айтылған барлық пікірлерге, оның ішінде сыни пікірлерге де құрметпен қарайды, сондықтан ол ешқашан мұндай мәлімдеме жасауға жол бермейді, - деді Бәйтерек.

Осы мәлімдемеге дейін желі қолданушылары Жапаровтың атынан Жоғарғы Кеңестің депутаты Дастан Бекешев туралы жазылған қорлау түсініктемесін белсенді түрде талқылады.

Facebook-те Қырғызстанның көшбасшысы «Садыр Жапаровтың» аты жазылған кемінде үш аккаунт бар.

Бұған дейін Қырғызстан Президенті Қазақстанға ресми сапармен келіп, президент Қасым-Жомарт Тоқаевпен кездесті.

Елдер басшылары саяси, сауда-экономикалық, инвестициялық, көлік-логистикалық, су-энергетикалық, мәдени-гуманитарлық ынтымақтастықты талқылады.