Қырғызстан президенті Тоқаевқа көңіл айтты

Қырғызстан президенті Садыр Жапаров Қасым-Жомарт Тоқаевқа Жамбыл облысындағы әскери бөлімде болған жарылысқа байланысты көңіл айтты.

Бұл туралы Orda.kz хабарлайды.

– Мен адам өліміне әкелген жарылыс туралы хабарды қайғырып қабылдадым. Қырғыз Республикасы халқының атынан және өз атымнан қаза болғандардың туыстары мен жақындарына көңіл айтамын. Қайғылы оқиғаға байланысты зардап шеккендердің барлығының тезірек сауығып кетуін тілеймін, - делінген жеделхатта.

Еске салайық, 26 тамыз күні кешке Тараз маңындағы әскери бөлімнің жанында жарылыс болды. Тоқаев халықты сабырға шақырып, сақтық шараларын ұстануды ұсынды.