Қырғызстан президенті сауда орталығында вакцина салдырды

Қырғызстан президенті Садыр Жапаров Бішкектегі сауда орталықтарының біріндегі пунктке барып, қытайлық Sinopharm екпесін салдырды.

Бұл туралы Orda.kz хабарлайды.

Бұған дейін Қырғызстан басшысы азаматтарды белсенді түрде екпе салдыруға шақырған. Бірақ өзі вакциналаудан бас тартты, мұны коронавируспен ауырғаннан кейін антиденелердің жеткілікті мөлшері бар екенімен түсіндірді.

Қырғызстанда коронавирусқа қарсы вакциналау 2021 жылдың 29 наурызында басталды.

Қырғыз Республикасы Денсаулық сақтау министрлігінің мәліметі бойынша, 3 шілдеде 6 миллион халқы бар республикада 120 мыңнан астам адам екпе салдырған. 2020 жылдың наурызынан бері көрші республикада 2227 адам қайтыс болды.