Қырғызстан мен Тәжікстанның шекарасында атыс қайта өршіді

Лейлек облысында, қырғыз-тәжік шекарасында тағы да атыс болып жатыр.

Бұл туралы Orda.kz 24.kg сайтына сілтеме жасап хабарлады.

Баткен облысының ішкі істер басқармасы жаралылар арасында полиция қызметкерлері бар екенін атап өтті.

– Әлеуметтік желілерде Лейлек ауданындағы ауылдарды Тәжікстан азаматтарының басып алуы туралы ақпарат тарады. Алайда ішкі істер департаменті бұл ақпаратты растамады, бірақ оны жоққа да шығармады.

Қырғызстан мен Тәжікстанның шекаралас аймақтарының жергілікті тұрғындары арасындағы жанжал 29 сәуірде екі елдің әскери күштерінің қарулы қақтығысына ұласты.

Қырғыз бен тәжік шекарашылары арасындағы қақтығыстар алты сағаттан астам уақытқа созылды. Қақтығыс салдарынан екі жақтан 150-ден астам адам жарақат алды. Жиырма адам қайтыс болды.

29 сәуірде кешке Қырғызстан мен Тәжікстан атысты тоқтатуға келісті.

Қырғызстанда 134 жәбірленуші медициналық көмекке жүгінді, 13 адам қайтыс болды, оның ішінде бір бала бар.