Қырғызстан ұлттық қауіпсіздік мемлекеттік комитетінің басшысы депутатқа сес көрсетті

2 маусымда Жогорку Кенеш отырысында Қырғызстан ұлттық қауіпсіздік мемлекеттік комитетінің төрағасы Камчыбек Ташиев депутат Адахан Мадумаровке сес көрсетті.

Бұл туралы 24.kg хабарлайды.

Арнайы қызмет басшысының сөзінен кейін Адахан Мадумаров оған фракция жетекшісі ретінде жауап беруге 5 минут уақыт беруді сұрады. Спикер Талант Мамытов мәселені дауысқа салғанымен, әріптестері оны қолдамады.

— Енді қалай? Неге оның микрофоны үнемі қосылып тұрады?, — деп сұрады Адахан Мадумаров.

— Маған саусағыңызды шошайтпаңыз. Қолыңызды сындырамын, — деп қорқытты Камчыбек Ташиев.

— Мен саған көрсетемін!, — деп жауап берді депутат.

Ұлттық қауіпсіздік мемлекеттік комитетінің басшысы Ташиев депутат Адахан Мадумаровтың мемлекеттік төңкеріс жасауға дайындалып жатқанын айтты.

— Бізде оның туыстарымен бірге жаппай тәртіпсіздіктер мен төңкеріс жасамақ болғаны туралы жедел ақпарат бар. Елдегі билікті ешқашан өзгерте алмайсың. Мен сені мемелкеттік төңкеріс жасады деп түрмеге жабамын. Өткен жолы ала алмадым. Депутаттар рұқсат бермеді. Елді ойламайсыңдар, – деді Қамшыбек Ташиев.

— Сіздің қолыңыздан келмейді! Қолыңыздан келгенді ғана айтыңыз. Мен төңкеріс жасаймын деп қоршаудан секіріп өткен жоқпын. Сендер істедіңдер, сендер жауап бересіңдер, — деді Адахан Мадумаров.

— Өзің жауап бересің! — деп жауап қайтарды Ташиев.