Қырғызстанға жанармай жасырын құбырмен кетіп отырған

Жамбыл облысы Меркі ауданында Қырғызстанға жанармайды заңсыз тасымалдаушылар анықталды. Олар көрші елге бензинді арнайы жасалған жерасты құбыры арқылы жеткізіп отырған.

Бұл туралы  Orda.kz   ҰҚК баспасөз қызметіне сілтеме жасап хабарлайды.

Меркі ауданындағы шекаралас ауылдардың бірінің тұрғыны осындай қылмыстық факті туралы телефонға жазылған бейнежазбасын әлеуметтік желіге жүктеген. Автордың сөзінше, пластик құбырдың ұзындығы бір шақырымға жетеді.

Басы Қазақстаннан басталған құбырдың соңы Қырғызстанға кетіп жатыр. Әзірге құбырдың қай уақытта төселгені және ол арқылы көрші елге қанша көлемде бензин мен дизель отынының өтіп кеткені туарлы ақпарат жоқ.

Ұлттық қауіпсіздік комитеті шекара қызметі бұл деректі шекара жасағының бірі анықтағанын айтып отыр. Қазір контарабандамен айналысқан топ іздестірілуде.