Қырғыз-тәжік арасындағы қақтығыста 5 жасар бала көз жұмды

Қырғыз-тәжік шекарасындағы қарулы қақтығыс кезінде 36 адам көз жұмды. 3 мамырда Қырғызстан денсаулық сақтау және әлеуметтік даму министрлігі қақтығыс кезінде бес жасар бала мен Мақсат ауылының бір тұрғыны мерт болғанын хабарлады. Тұрғынның мәйіті өртенген үйлердің бірінен табылған.

Бұл туралы Orda.kz Азаттыққа сілтеме жасап хабарлады.

– 29 сәуірде тәжік жағынан оқ атылған кезде ауыл тұрғындары оқиға орнынан қашуға тырысқан. Осы кезде 5 жасар Абидин Турсунбаев каналға түсіп кеткен, соның нәтижесінде мерт болған, - деді Баткен облысы ішкі істер басқармасының баспасөз хатшысы Дамира Юсупова.

Еске салсақ, 28-30 сәуірде Қырғызстан мен Тәжікстан шекарасында қарулы қақтығыс орын алды.