YouTube қазақстандықтар үшін Premium қолжетімділігін ашады

YouTube Premium биыл Қазақстанда қолжетімді болады, деп хабарлайды ҚР Цифрлық даму, инновациялар және аэроғарыш өнеркәсібі министрлігінің баспасөз қызметі.

Цифрлық даму министрі Бағдат Мусин YouTube өнімдерді басқару жөніндегі вице-президенті Адам Смитпен келіссөздер жүргізді. Тараптар ынтымақтастық перспективаларын және компанияның Қазақстандағы түрлі қызметтеріне қолжетімділікті кеңейтуді талқылады.

— YouTube өкілдері биылғы жылы Қазақстанда YouTube Premium іске қосылғанын ресми түрде жариялады. Бұл біздің нарықтың ірі технологиялық компаниялар үшін тартымды болып келе жатқанының көрсеткіші, - деді министр.

Премиум есептік жазбаны сатып алу мүмкіндігі бұрын біздің елде болмаған YouTube қызметтерінің кең ауқымына қол жеткізуге мүмкіндік береді.

Мысалы, Premium есептік жазбасы иелері бейнелерді жарнамасыз және фондық режимде көре алады, интернетке қосылмай көру үшін бейнелерді сақтай алады.