Қымбатшылық: 2022 жылы баспана бағасы аспандап барады

Krisha.kz сарапшылары Қазақстан қалаларының бір жылдағы тұрғын үй бағасының өсуі бойынша рейтингін жасады.

Бірінші  орында 41%-ға қымбаттаған Ақтау тізім көшін бастайды. Бір жыл бұрын 7-8 миллионға сатып алуға болатын пәтер қазір 11-ге көтерілген.

Екінші және үшінші орындарда Ақтөбе (+35%) мен Қызылорда (+34%). Бір бөлмелі пәтер  2-2,5 миллионға қымбаттаған.

Алматы төртінші орында (+33,7%). Бір бөлмелі пәтерлер 17 миллионнан 23 миллионға, екі бөлмелі пәтерлер 24 миллионнан 32 миллионға, үш бөлмелі 31 миллионнан 41 миллионға қымбаттады.

Бесінші орында Қостанай (+32,3%), 10 миллион теңгелік пәтерлер қазір шамамен 13 миллион теңге тұрады.

Нұр-Сұлтан рейтингтің ортасында. Баға бір жылда төрттен бір есе өсті. Бір бөлмелі пәтердің орташа бағасы 13,5 миллион болса, қазір 17 миллионға жуықтады.

Екі бөлмелі пәтерлер  20-21 миллионнан 25 миллионға, үш бөлмелілер 33 миллионнан 36 миллионға дейін қымбаттады.

15-16% аралығындағы ең аз өсім Петропавл және Көкшетау қалаларында орын алды.

Қаңтар айында бағалар қалай өзгерді:

Бағаның өсуі жалғасуда. Соңғы бір айда Қазақстанда баспана орташа есеппен 3 пайызға қымбаттады.

Ең жоғарғы өсім Ақтауда: +7,1%, Шымкент, Павлодар және Ақтөбеде – 3,6-дан 4,5%-ға дейін.

Ең азы Көкшетау, Қарағанды ​​және Петропавлда (1,4-тен 1,7%-ға дейін).