«Үкімет мақұлдады»: АЭС-тің референдум жобасы Тоқаевқа қол қоюға жіберілді

АЭС-тің референдум жобасы Тоқаевқа қол қоюға жіберілді. Қазақстанда АЭС-ті екі өңірде, Абай облысындағы Курчатов қаласына жақын жерге және Алматы облысының Балқаш маңындағы Үлкен ауылына жақын жерге салу жоспарланып отыр.

Бұл туралы Orda.kz хабарлады.

АЭС-тің референдум жобасы Тоқаевқа қол қоюға жіберілді. Бүгінгі үкімет отырысында энергетика министрі Алмасадам Сәтқалиев премьер-министрге АЭС салу жайлы жобаны президент қарауына енгізуді сұрады.

«Құрметті Олжас Абайұлы! Жоғарыда айтылғандарды ескере отырып, Қазақстанда АЭС салу мәселесі бойынша республикалық референдумға бастамашылық жасау және «Республикалық референдумды өткізу туралы» Қазақстан Республикасы Президенті Жарлығының жобасын Қазақстан Республикасы Президентінің қарауына енгізу туралы Үкімет қаулысының жобасын қарауға шығаруды ұсынамын.
Референдум арқылы Қазақстан азаматтары тұрақты, тиімді және көміртексіз энергия көзіне негізделген еліміздің болашағы туралы шешім қабылдай алады. Қолдауыңызды сұраймын!», — деді Алмасадам Сәтқалиев. 

Қазақстандағы атом электр станциясын (АЭС) салу мәселесін өңір-өңірде талқыланып, ашық жиындар өтіп келді. Еске сала кетсек, Orda.kz тілшілері  Алматыдағы дауға толы болған жиынға да, артынша  Астанада өткен ашық жиынға да қатысып қайтқан болатын.