«Үйінде өсірген»: Қызылордада есірткі сатқан 40 жастағы ер адам ұсталды

Қызылорда облысы Сырдария ауданында өз үйінде есірткі өсіруге арналған арнайы зертхана жасаған 40 жастағы ер адам ұсталды, деп хабарлайды Orda.kz.

ҚР Ішкі істер министрлігінің мәліметіне қарасақ, ол тек қарасора өсірумен шектелмей, оны өңдеп, сатумен де айналысқан.

Тінту барысында күдіктіден 86 түп қарасора, есірткі құрамдас өсімдіктерді өсіруге арналған арнайы жабдық, сондай-ақ кептірілген марихуана салынған екі пластик контейнер тәркіленді. Жалпы, алынған есірткінің салмағы 2,7 келі кептірілген марихуана мен 10 келі жасыл масса болған. ІІМ бұл аса ірі көлемдегі есірткі заттары екенін атап өтті.

«Бұл дерек бойынша қылмыстық іс қозғалды. Күдікті қамауға алынып, тергеу амалдары жүргізілуде. Ол жақын арада сот алдында жауап беруі мүмкін»,  деп мәлімдеді ІММ.