Үйі жоқ халықты коммуналдық төлемдерден босату қаншалық орынды?

«Жедел штаб/Атырау» Telegram-арнасында «Су тасқынынан зардап шеккен Құлсары қаласының тұрғындары коммуналдық төлемдерден босатылады» деген ақпарат шықты, деп хабарлайды Orda.kz порталы.

«Жылыой ауданының әкімі Жұмабек Қаражановтың хабарлауынша, зардап шеккен үйлердің тұрғындары сәуір, мамыр, маусым, шілде айларында коммуналдық қызметтер үшін төлемнен босатылады» делінген ақпаратта. 

Осы ақпараттың пікір алаңына «Суға кетіп, зардап шеккен үйлер әзірге тұрмысқа жарамсыз, онда адам тұрмаса қалай коммуналдық төлемдер пайда болады?» деген пікір көп жазылған.

Еске салайық, Құлсары тұрғындары үйдің шаршы метріне байланысты наразылыққа шықты. Құлсары қаласында үш мыңға жуық жеке жер үйден бөлек көпқабатты үйлердің жертөлесі мен бірінші қабаттарын да су алған.