Үй тапсырмасын орындамаған қызын анасы пышақпен жазалады

Анасы үй тапсырмасын орындамағаны үшін 11 жасар қызына пышақ жарақатын салып, жеткіншек ауруханаға түсті, деп хабарлайды Orda.kz.

Бұл туралы Бала құқықтары жөніндегі уәкіл Динара Зәкиева instagram желісіндегі парақшасында хабарлады.

Солтүстік Қазақстанда жан түршігерлік оқиға болды. Үй тапсырмасын орындамағаны үшін әйел өз қызына пышақ ала жүгірген. Қыз ауыр халде облыстық балалар ауруханасына жатқызылды.

«Қыздың жағдайы ауыр. Қылмыстық іс қозғалды. Комиссия құрылып, сараптамалар жүргізілуде. Іс Солтүстік Қазақстан облысы бойынша облыстық комиссардың бақылауында», - деді Зәкиева.

Басқа мәліметтер берілмеді.