«Үй мәселесі»: Үлескерлерден ақша жинау тәртібі өзгереді

13 тамыздан бастап күшіне енетін жаңартылған жүйе бойынша, тіркелу мен оның қаралу нәтижелері жүйе арқылы жеке кабинетте қолжетімді болады.

Бұл туралы Orda.kz хабарлады.

Жаңартылған ережелер туралы құжат «Ашық НҚА» сайтында 13 тамызға дейін қоғамдық талқылауға ұсынылып отыр.

Өтінім мен ұсынылған құжаттарды тіркегеннен кейін, жүйе автоматты түрде жауабын жіберіп отырады. Бас тарту жайлы жауап берілу себебі — құжаттардың растығы, заң талаптарына сәйкес келмеуі немесе өтініш берушінің сотталғандығы болуы мүмкін.

Салынғалы жатқан жерден үй беру жайлы шешім шыққан жағдайда, жүйе автоматты түрде құрылыс объектісіне азаматты тіркейді. Егер рұқсатқа түзету енгізу қажет болса, құрылысшы жүйе арқылы өтінім жіберіп, өзгерістер мен растайтын құжаттарды қоса ұсынуы тиіс.

Жаңа жобада қажетті құжаттардың тізіміне де өзгерістер енгізілді. Егер құрылыс банктен қаржыландырылатын болса, құрылысшы екі жылда республиканың үлкен қалалары мен астанада кемінде 10 мың шаршы метр тұрғын үйді салғанын (басқа елді мекендерде кемінде 5 мың шаршы метр) растауы қажет. Егер үлескерлер қатысатын болса, талаптар үш жылда кемінде 30 мың шаршы метр және бұрын пайдалануға берілген объектілер бойынша 18 мың шаршы метр болуы керек.