Ықпалды тұлғалар теміржол тарифтерін 14 есеге көтеріп, «көлеңкелі» кірістерін шетелге жасырған - Бектенов

Ықпалды тұлғалар теміржол тарифтерін 14 есеге көтеріп, «көлеңкелі» кірістерін шетелде жасырған, деп хабарлады сыбайлас жемқорлыққа қарсы іс-қимыл агенттігінің төрағасы Олжас Бектенов.

«Мәселен, теміржол тасымалдаушылары үшін тарифтер 14 есеге (2200 теңгеден 147 теңгеге дейін) төмендеді. Мұндай «жасырын» схемалардың артында көбіне «көлеңкелі» кірістерін шетелге жасыратын ықпалды адамдар тұрды» деді Бектенов.

Сондай-ақ, ол жалпы құны 57 млрд теңге болатын 600-ден астам теміржол торабы мемлекет бақылауына алынғанын айтты.

Бектенов еліміздегі статистикалық мәліметтерді келтірді: 1300 сыбайлас жемқорлық қылмыс, 800-ден астам тұлға әшкереленді, оның ішінде 140-ы әртүрлі деңгейдегі басшылар. Тергеу нәтижесінде 592 іс сотқа жолданды. 357 жемқор шенеунік сотталды. Экономикалық ресурстарды заңсыз шоғырландыруға және оларды мемлекет меншігіне қайтаруға байланысты істерді тергеу ерекше бақылауға алынған.