Украинаны қалпына келтіру үшін 600-800 миллиард доллар қажет - Зеленский

Украина президенті әскери қақтығыстан кейін елді қалпына келтіру үшін шамамен 600-800 миллиард АҚШ доллары қажет екенін айтты.

РИА Новости агенттігінің хабарлауынша, Владимир Зеленский бұл соманы Француз кәсіпорындары қозғалысына үндеуі кезінде көрсеткен. Украина президенті бұл қаржы түпкілікті емес екенін, өйткені соғыс әлі жалғасып жатқанын атап өтті. Оның айтуынша, қаржы бірінші кезекте тұрғын үй қорын, оқу орындарын, көлік инфрақұрылымын және порттарды қалпына келтіруге бағытталуы керек.

Бұған дейін Украина билігі елді қалпына келтіруге қажетті мөлшерді айтып қойған болатын. Атап айтқанда, премьер-министр Денис Шмихал Украинаның одақтастарынан қаржылық қолдау көрсетуді сұрап, бұл ретте елге шамамен 500 миллиард доллар қажет екенін атап өтті. Ал көктемде Зеленский Украинаға шамамен 550 миллиард доллар қажет екенін айтты.